Karnataka Election: કર્ણાટકનો કિલ્લો બચાવવા ભાજપનું ટ્રમ્પ કાર્ડ, કોંગ્રેસે આ કાર્ડ ખેલતાં ભાજપ ટેન્શનમાં!

'Lingayat CM' Pitch To Counter Congress Narrative: ભારતીય જનતા પાર્ટી ના (BJP)લિંગાયત નેતાઓએ સત્તારૂઢ પાર્ટીને લિંગાયત વિરોધી (Anti Lingayat) સાબિત કરવાના કોંગ્રેસના દાવાને જવાબ આપવા માટે કર્ણાટકમાં લિંગાયત સીએમનું  (Lingayat CM Campaign) અભિયાન શરૂ કરવાની હિમાયત કરી છે. રાજકીય રીતે પ્રભાવશાળી લિંગાયત સમુદાય રાજ્યની લગભગ 17 ટકા વસ્તી ધરાવે છે. આ સમુદાયના મોટાભાગના લોકો રાજ્યના ઉત્તરીય ભાગોમાં છે. ભાજપ તેમને પોતાના મજબૂત સમર્થક વર્ગ તરીકે જુએ છે.

ભાજપને નુકસાનનો અંદાજ

વરિષ્ઠ લિંગાયત નેતાઓ જગદીશ શેટ્ટાર (Jagadish Shettar) અને લક્ષ્મણ સાવડીએ 10 મેની વિધાનસભા ચૂંટણીમાં ટિકિટ ન મળતાં તેઓ ભાજપ છોડીને કોંગ્રેસમાં જોડાયા હતા. ત્યારથી કોંગ્રેસ ભાજપ પર લિંગાયતો સાથે "અન્યાય" કરવાનો અને "લિંગાયત વિરોધી" હોવાનો આરોપ લગાવી રહી છે. રાજ્યમાં પ્રવર્તમાન સ્થિતિને કારણે એવું માનવામાં આવી રહ્યું હતું કે આગામી ચૂંટણીમાં ભાજપને નુકસાન થઈ શકે છે, ત્યારબાદ સત્તાધારી પક્ષે પોતાનો કિલ્લો બચાવવા અને પક્ષને સંભવિત નુકસાનની ભરપાઈ કરવાનો પ્રયાસ શરૂ કર્યો છે.

ભાજપ લિંગાયત સીએમ અભિયાન ચલાવશે?

ભાજપના લિંગાયત નેતાઓએ બુધવારે સાંજે કર્ણાટક ભાજપના દિગ્ગજ નેતા અને પૂર્વ મુખ્યમંત્રી બીએસ યેદિયુરપ્પાના ઘરે બેઠક યોજી હતી. બેઠકમાં સૂચન કરવામાં આવ્યું હતું કે ભાજપે કોંગ્રેસના પ્રવચનનો સામનો કરવા માટે લિંગાયત સમુદાયના નેતાને આગામી મુખ્ય પ્રધાન તરીકે રજૂ કરવા જોઈએ અને જોરશોરથી પ્રચાર કરવો જોઈએ કે ભાજપ જો સત્તા પર આવશે તો તે આગામી મુખ્ય પ્રધાન લિંગાયત સમુદાયના હશે. 

જ્યારે એક પત્રકારે ફરીથી પૂછ્યું કે કોંગ્રેસ ભાજપને "લિંગાયત વિરોધી" કહી રહી છે, ત્યારે મુખ્યમંત્રીએ વળતો જવાબ આપ્યો, "તમે આ મુદ્દાને જીવંત રાખવા માંગો છો?" 1967 બાદ 50 વર્ષોમાં કોંગ્રેસે વિરેન્દ્ર પાટીલને બાકાત રાખો તો એક પણ લિંગાયતને મુખ્યમંત્રી બનાવ્યો નથી. 

'એવો પ્રશ્ન ફરી ન પૂછો.'

તેમણે પ્રશ્ન પૂછનાર પત્રકારને કહ્યું, “આ પ્રશ્ન ફરીથી ન પૂછો.” મુખ્ય પ્રધાને કહ્યું કે કોંગ્રેસે વરિષ્ઠ લિંગાયત નેતાઓ સાથે કેવું વર્તન કરે છે તેના ઘણા ઉદાહરણો છે અને લોકો ભૂલી શકશે નહીં કે કેવી રીતે કોંગ્રેસને પાંચ વર્ષ પહેલા. વોટબેંક બચાવવા માટે સમુદાયને તોડવાનું કામ કર્યું છે.  બોમાઈએ કહ્યું, “ભાજપમાં દરેક માટે સન્માન અને તક છે. કોંગ્રેસે દલિતો, લિંગાયતો અને પછાત વર્ગો સાથે દગો કર્યો છે.